مساجلة شعرية

[غازي العصيمي]

بسم الله الرحمن الرحيم



مساجلة شعرية (إرتجالية) فقط بيت واحد


أتمنى من الجميع المشاركة للفائدة وتعلم النظم

يستحسن الالتزام بالوزن

شرط : القافية هجائية بمعنى تكون بترتيب الحروف الهجائية قافية البيت الاول انتهت بالالف الثاني ينتهي بالباء الثالث ينتهي بالتاء وهكذا

شرط : يبدأ البيت بأخر حرف انتهى به بيت الشاعر أو الشاعرة الذي قبله


وسوف يكون هناك تقييم
لأكثر الشعراء ردود
وأقوى بيت شعري قيل في المساجلة
وأجزل شاعر أو شاعرة


وسوف أبدأ بأول بيت
إنشاء الله سوف يبدأ وينتهي بحرف الألف

والشاعر التالي يبدأ بيته بحرف الألف
وينتهي بحرف الباء
والثالث سيبدأ بحرف الباء وينتهي بحرف التاء


ننتظر مشاركة قوية وأمانينا للجميع بالتوفيق
تنويه :
بناءً على رغبة الشعراء تم تغيير نمط المساجلة بحيث اصبحت تلتزم بالبداية بحرف القافية فقط .

[غازي العصيمي]

ابتديت بذكر ربي باول حروف الهجى **** وانتهى أول بيوتي نون هاء ٍ واو ياء

[خالد الغاشم]

الله علييك اخوي غازي العصيمي
فكره جميله متجدده بك .


:

أهتويت وكل ذنبي قاطنٍ سلمى واجا
..................وانا في جده حياتي راغبٍ ماني مغصوب

اللي بعدي

يبدأ بحرف الــ ب

وإن أمكن خلينها أبجدية القافيه
اللي بعدي ينتهي بحرف التاء

[غازي العصيمي]

صار
ابجدية القافية
والقافية التالية حرف الثاء

بيني وبينك مسافه والنهار اصبح دجى ***** مابقى لي من خياري غير ما كان ودريت

[خالد الغاشم]

تعتريني كل حين اقوى المصاعب والفُجا
........................ لايأست ولا قنطت وارتجي ربي يغيث


للتوضيح أكثر ..
اللي بعدي يبتدي بحرف ( ث)
وينتهي بحرف (ج)

[غازي العصيمي]

تعتريني كل حين اقوى المصاعب والفُجا
........................ لايأست ولا قنطت وارتجي ربي يغيث


للتوضيح أكثر ..
اللي بعدي يبتدي بحرف ( ث)
وينتهي بحرف (ج)


ثابك الله لا حرمك الله من ساعة رجى ***** ياكفانا الله شر الوقت لا حار ودرج

[علي الغبيشي]

للمبدعين وتقبلوني بينكم

جابني حظي وناداني الفخر *** وغيركم ليته تذريه الرياح

للي بعدي ( يبدأ بحرف " ح " وينتهي بحرف " خ " )

[صالح الازوري]

حلم(ن) حلمته طيّر النوم عني ..... لو مر غيري من جموع الملا داخ

[غازي العصيمي]

خاطر بعين الشعر طيب على طيب***** علي وصالح شرفو دون ميعاد


اللي بعدي يبدا ب (د) وينتهي ب (ذ)

[صالح الازوري]

دارت دواليب الدهر يا بن عمي **** يا الخاطر الواعي ويا الصاحب الفذ

[غازي العصيمي]

ذيك الليالي تنقلب مالها حد **** الله يعين اللي على الضيم صبّار

[صالح الازوري]

رعاك الله يا وقت(ن) مضالي .... زمان(ن) يا عسى ربي يرده

[بسمة البوسعيدي]

جزآك الله خير يا شاعر وبارك الله فيك

طرح طيب وجميل بالفعل وسوف أكون
مواكبة بستمرار مسيرتك يا خوي
تقبل مروري ولك الشكر وجل وافر من التقدير والاحترام

روح دور مثيلك بين الصفوف == لابد تلقى شراتك في الهوى يالعزيز

[سامي العمري]

يعطيكم العافية
مساجلة مميزة وشكرا ياغازي على الفكرة وللمبدعين خالد وعلي وصالح
الجزالة فالكم

[غازي العصيمي]

الله يحييكم جميعا ولنتقيد بشروط المساجلة

زولك يخاوي ناظري وين ماكنت *** واصبحت في غربة بعيد عن الناس

[علي الغبيشي]

سافرت بعروق الوفا وابعدت عن غدرك بعيد
لاجل احفظ اوراق الزمن من طيحة ٍ بين الحشاش

اللي بعدي ( ش ) .. ( ص )

[غازي العصيمي]

سافرت بعروق الوفا وابعدت عن غدرك بعيد
لاجل احفظ اوراق الزمن من طيحة ٍ بين الحشاش

اللي بعدي ( ش ) .. ( ص )

شوقي يزيد ومنيتي في قربها دايم تزيد *******وانا على العهد ووفيت ماعدت الاقيلي خلاص

ص و ض

[صالح الازوري]

صون حبي لك ترى قلبي جريح .... حط نفسك في مكاني بإفتراض
كم أقوم من التعب لأجله واطيح ... آنا بالطايف وخلي بالرياض

[غازي العصيمي]

صون حبي لك ترى قلبي جريح .... حط نفسك في مكاني بإفتراض
كم أقوم من التعب لأجله واطيح ... آنا بالطايف وخلي بالرياض


ضمد جروحي دخيلك لا تخليني جريح **** بيت واحد لا تحولّها قواميس ومحيط

[صالح الازوري]

طيبه والطيبه من وجه طيب ..... لو تجي ميتين ولا اربع ميه

[غازي العصيمي]

طيبه من وجه طيب ياعسى فالك يطيب ***** أحد قافيته علالي واحد قافيته حظيظ

[سامي العمري]

يعني ( ظ ) و (ع )
ما اني بشاعر لكن أبغى واحد يفزعلي ويعدل على هذا البيت

ظالم وتشكي وتجحد ياجحود - - - - - كم عطيتك وكم رسمتك بالدلع

واحدديعدل إذا فيه شي وعساكم عالقوة سجال رائع

[غازي العصيمي]

الناقد الكبير خبير العروض بلش في بيت يوزنه رهيب بيتك لا تلبش فينا:D لو تحط نقط قلنالك رهيب الله يجبر بخاطرك

يمكن لو كان بيتك كذا احلى بدون تقطيع وعروض طبعا

ظالم وتشكي وتجحد ياجحود ***** مابقى لي غير اقول لك الوداع

ياهلا وغلا والله يا سامي وهذا بيتي التالي بدا ب ع وانتهى ب غ

عيني اللي كل ما ترحل تجود ***** بالدموع اليوم تضحك من فراغ

اللي بعدي يبدا ب (غ) ويقفي البيت ب (ف)

[دعد السليم]

حياك الله يادعد واقري الشروط قبل الرد الله يهديك
الوزن لم يكن من الشروط
شكراً لك على اقتراحاتك ونتمنى عدم الخروج عن المساجلة
بانتظار أن نرى لك حضور مشرف
نعود الى المساجلة ونرجو عدم الخروج عن مجال الرد الشعري المساجلة

حرر الرد من قبلي
غازي

[غازي العصيمي]

غربلتني ياعرب تبغى الحضور **** جت تغني والخلايق في طواف

[البدر]

ان أخطيت عدلوني
لاني مافهمت الشروط

لكن حبيت اشارك في المجلس الزين

في الصبح اروح عنك والليل أماسيك
في الصبح رحماني وبـــــالليل مشتاق

[غازي العصيمي]

قلبي يهلي بالبدر وين ما كان**** يامرحبا بك طيّب وطاب مبداك

[البدر]

صح لسانك ولاهنت

كل(ن) على كفوه بتعطيه مجزاه
وليا نصاك الضيف يبشر بتكميل

[غازي العصيمي]

ماتهون يالغالي جزل تستاهل الطيب والجزله

ليل السعد يابدر بانت حلاياه ****ليل السعد بيّن به البدر عنوان

[البدر]

صح لسانك ولاهنت

نعيش ابخير في الحكم السعودي
حافظين الامن مانرضى الخطيه

[غازي العصيمي]

هذي علامات الوفى والطيب والمعروف ***** والناس شافونا ولكن ما بعد ردّو

[البدر]

الله يقطع الشر
انا في صفحه 3 انتظر الرد

صح لسانك ولاهنت

أبشر ابشر

وجــــوب الله علينا باللزايم
لجمع الري والجم الركودي

[غازي العصيمي]

سلمت يالبدر لاهنت

يانهايات الحروف ويابداية الحروف ***** انتهى القاف القديم وجاك قاف مبتدا

[البدر]

الله الله

صح لسانك

أصقور الجو تبلغ كـل غايه
جتـكم قوايا ماهي متاعيب

[غازي العصيمي]

بيني وبينك حقيقه كانت الليله سعيده**** يابدر ليتك تجينا كل ليله لو بغيت

[البدر]

تكفون يلاد العصيمي عزاتي
حـــطوا لنا قامه عليها ثلاث

1- غازي
2- على الضيافه
3- يشكر

[غازي العصيمي]

ثلاث سنين ما تكفي ضيافة مثلك وشرواك ***** على هالمنتدى الطيّب يطيب العلم والمنهاج

[علي الغبيشي]

جيت مثل الفجر ما يعرف أفول
والقوافي أشرقت فيني صباح

بعدي ( ح ) وينتهي ( خ )

[غازي العصيمي]

حضرة القاضي علي جانا واقول
انت شاعر لو يزين الك المناخ


اللي بعدي يبدا ب ( خ) وينتهي ( د)

[علي الغبيشي]

خاب ظن الشر فيني مالقى
غير خيري صاحبي أكبر سند

اللي بعدي ( د ) وينتهي ( ذ )

[غازي العصيمي]

دور اصحابك ليا جاك اللزوم
الحسود ايموت ما يلقى الملاذ

[البدر]

ذوق يعقب فوق الاكباد سومه
عــــزالله انه لاتضوى ولا نور

[غازي العصيمي]

راجع ضميرك والليالي لها كرّه
ما يمدح الحرب غير اللي بها فايز

[سديم]

*
*

زمــــان الحرب مافيها قطيعه
يعيش القهر والثار في الناس

*
*

[صالح الازوري]

سلمولي يا مودين السلام ..... خصو المجمول أومض يافلاش

حسب الشروط
اللي بعدي يبدا ب (ش) وينتهي ب (ص)

[البدر]

شبوا نارها وانته مشاهد في نعام
تبرح ونار الحرب مامنها مناص

[غازي العصيمي]

صالح الازوري موته سمعنا به ***** وقالو ان العزى شرق الرياض

اللي بعدي يبدا بال(ض) وينتهي بيته ب(ط)

[صالح الازوري]

ضمد جروحك لا تسل عن جروحي .... لو عاد تنشد صاحبك فل الشريط

>>>> يقول يبغى حق
ما يكتب لين ترضونه
مين عدل بيته الاول

[غازي العصيمي]

طاريك ياسيدي على خاطري طاب ****** ويحق لك تزعل وعبود يغتاظ




واللي بعدي يبدا ب ظ وينتهي ب ع

[خالد الغاشم]

أشرق سنا خدّك على جدول الحلم //// وبان انكسار الضو بين الحنايا


اللي بعدي ..

أ / ي

[محمد القرعاني]

أنا العبد الذي كسب الذنوبا ........... وصدته الأماني أن يتوبا

[وفاء الفواز]

السلام عليكم ورحمة الله ومشاركه أولى
أنا ماجيتـك أبـي أحكـي=وبـأفضح بالحكي أجروحي

أنا جيت أبي أشوفك بس ؟=وارد أبشوفتك روووحي !

[خالد الروقي]

يسأل الليل فيك أسرار طول النخيل *** والسهر كم سألني وش هو الانحناء

حرف ... ( أ )

[وفاء الفواز]

وحرف السين من أخوي

سالت الدمعه على خد صاحبها=يوم جرح الناس ياسعود عناني
فالهموم اللي خفانا اااا مجّربها=كل هم ٍ يرحل إيقلط الثانـي !

سعود / شقيقي

[وفاء الفواز]

اخوي خالد غيرت الحرف ؟

[خالد الروقي]

لخبطنا التوقيت يا أخت وفاء

كانت آخر مشاركه للأخ محمد وتنتهي بحرف ( أ ) وجيت بعده وكتبت بيت

إن كان ذيك الشمس أجل من هو انتي ** لاتكذبين النور وجهك هو الشمس

جيت انا لقيتك ردك منك يبدأ بحرف ( أ) على محمد وغيرت ردي ..

:)

[خالد الغاشم]

.
.
.


عليكم السلام ورحمة الله وبركاته
أسعد الله جميع أوقاتكم بالخير والمسرات


يهز الوقت مجنونك = يقول الناس مشفوحي
وانا في خلوتي قاعد= أعيشك يا سما بوحي




*
مشاكسه لا تزعلون علي

[وفاء الفواز]

الياء

ياحروف ٍ ( زيّن ) الله شبايبها=مع جزيلك عذب الاشعار وداني
صوب دارن مات له عام شايبها=غير بعده ماشكى البعد وجداني

[خالد الروقي]

ياوفاء دنيا وزادت غرايبها
صار فيها قاصي الدار هو داني

والقريب أبعد وزود لهايبها
واغترب في داخلي صوت جداني

[خالد الغاشم]

يا شذا نفل وخزاما يا عنا النفـس وسعدهـا=يا نواوير البـوادي والحضـر والراحلينـي

طفلك اللي من هجير الشوق ينشدبك بردهـا=زمهرير البرد قارص والدفا بـك دثّرينـي


الياء اليوم ماسك بنا خط سريع http://saudir2.com/vb/images/smilies/biggrin.gif

[وفاء الفواز]

http://www.sooglibya.com/swar/flats.jpg
وحرف الياء

ياسيدي ياراعي العز والبيك
ترى الغلا ماتشتريه بثراكم


$$
الحب ماهو لك عمارات تمليك
الحب حاجه فايقـه مستواكـم

[خالد الغاشم]

من قديم الوقت لي بك آيتين
اعترف واقرار مني لك لفاك

::

الحزن كاسات والمُفرِح حزين
والفرح ظلٍ توارى في حماك



ك

[وفاء الفواز]

كم أحتاج العلاج مـن الطبيـب,=والطبيب اللـي يعالجنـي بحـل
قال أبيك إنسان من قلبي قريـب=وأبشر انه تنبت أرضك والمحـل
قلت "يادكتور" بي جرح ٍ عطيب=مايفيد القلب لـو يملـك زحـل
أنا من قلبه فقـد أغلـى حبيـب=كيف أحطك في خفوقٍ / مضمحل
قال ببعد قلت له ويش الغريب ؟=كل ماحبيت لي شخصٍ / رحـل

[خالد الروقي]

ياسمي إسمي وياشاعر نوى الغيمه وردها
غيمة الشعر الكريمه في يديك وفي يديني

هات ماعندك وانا والله ما أخلف وعدها
لك علي أجيب لك من سلسبيلٍ يحتريني

( ي )

[خالد الغاشم]

لا تزيد الجرح ملح بدمعتين
جفت دموع المعنّى في رجاك

::

ينتشي ليراع نزفه كل حين
الوريد وما حوى سبة جفاك


ك

[خالد الروقي]

التوقيت عندي غلط :(

عدّل يا السمي والبدايه "ك"

[وفاء الفواز]

احس أني لخبطتكم ياخواني

استمري اختي وفاء على حرف "ك"

واخوي خالد يعدل مايعجزه التعديل

[وفاء الفواز]

كنوز العمر يوم أني اشوفـك وأسعـد عيونـي=أغني للغلا فرحه ويطـرب حرفـك أسماعـي
يلو الموت ناويني الـى شافـك وقـف دونـي=تحيـة ذوق وأجـلالٍ وفـا للـود بطبـاعـي
أنا من زود حبي لك وكثـر الشـوق وجنونـي=شريتك وأحسب العالم كذى تشـرى وتنباعـي
حبيبـي هـاك هالكلمـه ببيّـح سد مكنونـي=تشوووف الدنيا ذي كله.. بدونك مالها داعي !

[خالد الغاشم]

ياطيور العشق غني وصافحي بالـود يدهـا
وارسمي حلـو المعانـي كلمتيـنٍ تحتوينـي

::

من شتاتٍ في هبوب الريح والعاصف ولدهـا
أسألك باياتٍ عشقك مـن شتاتـي تجمعينـي


ي




ملاحظه ..

لامانع من البدايه بأحد آخر حرفين الأولويه للأخير

[خالد الروقي]

كم أحتاج العلاج مـن الطبيـب,
والطبيب اللـي يعالجنـي بحـل
قال أبيك إنسان من قلبي قريـب
وأبشر انه تنبت أرضك والمحـل
قلت "يادكتور" بي جرح ٍ عطيـب
مايفيد القلب لـو يملـك زحـل
أنا من قلبه فقـد أغلـى حبيـب
كيف أحطك في خفوقٍ / مضمحل
قال ببعد قلت له ويش الغريـب ؟
كل ماحبيت لي شخصٍ / رحـل

....

ياوفاء مافي دواء للي غريب
والله لو يسقوه من حلو النحل

العيار اللي بعد يخطي يصيب
واللي يمشي بغربته دربه وحل

والحقيقه ان هم الليل ذيب
يستعر اللي بليله يكتحل

صح انا لازلت اقول ان النصيب
يمكن يسم العظم حد النحل

وصح انا لازلت اقول ان العجيب
ان شعرك صعب في كل الحلل

:)

[وفاء الفواز]

يطري علي إن جيت أغمض وسلهمت=وأطري عليه أن عكر الوقـت جـوه
ويطري علي اليا حكيـت وتكلمـت=وأطري عليه اليا أطرو الناس (خوه )
يمـر طيفـه لا سكـت وتلعثـمـت=ويمـر طيفـي فـي مخيّـل سمـوه
أجتاحنـي حبـه وأنــا ماتبلـمـت=-أجتحـت نبـراس المعاليـق قــوه
صحيـح لامنـي ذكرتـه تألـمـت=والليـل يضـوي للغرابيـل نــوه
بس العـزا أنـي لاذكرتـه تبسمـت=يلوح لي طيف" الشـرف " والمـروه
http://saudir2.com/vb/images/icons/simle.gif

[وفاء الفواز]

آسفه جدا تو أقرأردك ماكملته
ثواني أخي

[خالد الروقي]

النت بطئ عندي .. انا لخبطت أوراق المساجله

بادخل وقت ثاني أفضل .. إستمروا بليز :)

[وفاء الفواز]

على العموم اشكرك اخوي بيات رائعه من شاعراحترمه ولايهون اخي خالد الغاشم

[خالد الغاشم]

خالد الروق / وفاء الفواز
الف شكر لكم
سأواصل على حرف "ل"


لملم جراح الزمن لا تستصيب
ماشكى الزهره من فراقه زُحل

::

الشعر لأسمى المشاعر يستجيب
والهوى دربٍ حماد وبه وحل

:
.
:


ل / ح

[اليمّ]

:)
















.

[اليمّ]

اللام إذن ..

العتب ع الكيبورد إذا اتغير الحرف :

لابد تعرف
العــــــــــــــــــــــــام يوم الحب غامر كيانك
مهمــــــــا خطيت تشوف بي روعة الطيب
و اليوم يــــوم الكــــــــــــــره .. غير حنانك
ما اخطي .. و كلي في عيونك عـذاريب

.
.
.
يــ اليّم

على مين تلعبينها http://saudir2.com/vb/images/smilies/biggrin.gif
" لابد تعرف " هذي مو داخله في البيت لازم تحشريناه بالقوه والحشر هنا ممنوع http://saudir2.com/vb/images/smilies/wink.gif

[خالد الروقي]

لله ربي خالق الكون يممت *** وجهي وانا اللي شفت حظي مشوه

لكن بعد هذا وهذا توسمت *** الخير في دربي وماقلت .. لوّه

هذا شعر منها قريت وتعلمت *** العطر الأصلي هو يسمى .. ألوَّه

الله يكتبني على الحق مادمت *** ساجد لربي وبكلامه مفوَّه

*****

أختي الكريمه وفاء ... قافيتك صعبه ...!

[خالد الروقي]

الإخوه .. خالد الغاشم .. وفاء .. اليم

...

ليه مايكون هناك موضوع مستقل .. مساجلات دون التقيد بحرف

ويكون بالترتيب اقصد ترتب الردود مثل ان اوجه قصيده لخالد وانتظر رده وبعدها اطلب من وفاء مثلا الرد وبعدها مثلا اليم وهكذا

[وفاء الفواز]

على عجل والعذر

لاحت أبروق القاف وأستمطرت ديم = والشعر هيّض خافي ٍ بالحنايا
ياخواني اللي صيتكم واصل الغيم = أخت ٍ لكم لوني سلالة .. طنايا
مايلحقن شك ٍ ولاهم تكتيم = واسعد بنظم ٍ مايبيله ..وصايا
من بينكم يزداد الاصرار تصميم = ياهل المكارم والفخر والمزايا

[اليمّ]

:)

شكرااا ع التعديل ..

[خالد الغاشم]

ارى أن نستمر حتى نعطي هذه المشاركه حقها لأنها الأسهل على الكثير

لكن ما تطلبه ياالسمي يلزم حضور فوري وأنا من الناس لي طقوسي الخاصه ..
لكن لا يمنع هذا من فتح موضوع جديد على اساس عدم توجيه الأبيات لشخص بعينه
تُترك للكل وكلٌ يرد ويغني على ليلاه

مجرد رأي

[وفاء الفواز]

المساجله مطروحه بمنتديات عده واعتقد انها ناجحه
لكن فكرتك اخي خالد جميله ايضا ً .. بس فرضاً الشاعر
حب يتساجل مع شاعره او شاعر معين حول موضوع ما ..
معناته الي موجودين ماراح ينطلبون
طيب فرضا ً اثنين ناكدو بواحد معناته يبقى ينتظر الدور !
انا شخصيا ًماحب أنتظر : )

[خالد الغاشم]

على عجل والعذر

لاحت أبروق القاف وأستمطرت ديم = والشعر هيّض خافي ٍ بالحنايا
ياخواني اللي صيتكم واصل الغيم = أخت ٍ لكم لوني سلالة .. طنايا
مايلحقن شك ٍ ولاهم تكتيم = واسعد بنظم ٍ مايبيله ..وصايا
من بينكم يزداد الاصرار تصميم = ياهل المكارم والفخر والمزايا




.
.
.

يا حيّها بنت الرجال الشغاميم = العرق واحد والمعاني هدايا
موسى حباه الله ميزه بتكليم = وأنتِ حباك النظم درٍّ حلايا
ما بيننا من يعلم الغيب تنجيم = كلٍ على ليلاه جزل العطايا
خالد خوي الروح حكمه وتعليم = وأنتِ شعر وجهٍ حمته المنايا

[وفاء الفواز]

صح السانك ومشكور ياخوي خالد الغاشم ...بغير القافيه
ألجرح

الجرح ماخلاني إنسـان عـادي !=الجرح فجر فـي حنايـاي بركـان
بركاااان دمر خاطري مـع فؤادي=خلاني أحيا في متاهـات وأحـزان
حطم كيانـي عيشـن بألـف وادي=حتى غديت " أشباه " مجموعة إنسان!

[وفاء الفواز]

ناح الحمام وهيض اللي خفيته ؟= جرح ٍ ثمان اعوام / أستوطن القلب

[وفاء الفواز]

http://shtaat.jeeran.com/photos/1093843_l.jpg

بين قلبي والأمل " فيك " أشعـره=وبين وصلك والعنا "ضغطة" مقص
أما... هي راحت بفعلـك مدبـره=والا..هي جتني وحظي له رقـص
وإن بغيت الحـق مافيهـا أثمـره=الحياة اللـي لهـا خلـك يقـص
راحة الإنسـان نـوب المقبـره !=ورحمة المحكوم تنفيذ القصـص ؟

[وفاء الفواز]

شكلي أزعجتكم
صامت عن الحـب المجّـرد أحروفـي=حتى غدى أسم الحب يهدم لي / النـص
صحيـح لـي قلـب ٍ جريـئ ويعوفـي=بس أجمل اللي فيه لاعاف ماااا .... بص
أبيـع حبـه مثـل بـيـع الخـروفـي=وما أشري غلاه بقيمة الملـح والجـص

[وفاء الفواز]

http://tbn0.google.com/images?q=tbn:7sYtKB2B5og55M:http://www.yabdoo.com/users/785/gallery/996_p23697.jpg


يالبا وجه الصوره اللـي قبالـي=حتى وهو بالصوره إنسان مغرور
معه كبير ٍ وزل بـه قـال خالـي=بعده بكم ليله نسى وقال دكتور !
يالعن أبو جـده كـذوب وخيالـي=بس المحبه شرعها دوم دستـور
عندي يمثل خير شخـصٍ مثالـي=وهرجه معي كنه رياحين وزهور
يعني أحبـه والغـلا راس مالـي=ماشوف غيره من قرانيس وصقور
خرطه يونس بعض الاحيان حالي=ويبني بقلبي له عمارات وقصـور
http://www.shathaaya.com/vb/images/smilies/027.gif

[وفاء الفواز]

راح خلي يوم هلـن العيـون=مانتظر دمعي وعذري ماأسمعه
خانني قلبه يحسب أني أخـون=مادرى أنه ماخذن قلبي معـه

[خالد الغاشم]

هزّني كثر الغياب وصابني منك ارتياب=عاتيات الريح منها كـل شـيٍ خزّنـي
خزّة رماح المحارب بالمحاني ما نهـاب=وخزّة رياح المفَارق بالخفوق تحزّني
عِزّت احساسي تعانق بك هماليل الرباب=ومزّت احساسك يفز إلها الجنين المُحزني
تِحزِن ايامي بغيابك والفرح كنّه سـراب=ظاميٍ وقتي فبُعدك والظمى لـك لزّنـي

[خالد الروقي]

هزّني كثر الغياب وصابني منك ارتياب=عاتيات الريح منها كـل شـيٍ خزّنـي
خزّة رماح المحارب بالمحاني ما نهـاب=وخزّة رياح المفَارق بالخفوق تحزّني
عِزّت احساسي تعانق بك هماليل الرباب=ومزّت احساسك يفز إلها الجنين المُحزني
تِحزِن ايامي بغيابك والفرح كنّه سـراب=ظاميٍ وقتي فبُعدك والظمى لـك لزّنـي

الله ياخالد ........ الله ...!!

والله أن الشعر هنا شئ أخذني كثيرا لك

..تحياتي

[وفاء الفواز]

ياليل علمها عن النوم الاحـداق=وش بالسهر زود عذابي وقهري

ياليل حبه صار للوجـد حـراق=ياليل مل الصبر من زود صبري

ياليل كل الكون والرحب بي ضاق=حتى غدى في "نني " العين شبري

الله كريم و عل بالخيـره أفـراق=مليت أمشي درب الاحباب" عبري"

[خالد الغاشم]

.

.

.


يا معلـم الأجيـال علمنـي آكـون=أقرب لنفسك من حنايـا ضلوعـك


تامر علي تنهـان واقـول ممنـون=كلّي رهن أمرك وشورك وطوعـك


أنت الغلا ومنـاي ولعينـي النـون=لو شفت حالي من غيابك تروعـك


طاوعك قلبك تشقي القلب وشلـون=تلميذ صفّـك يستنيـر بشموعـك

[وفاء الفواز]

حرف الكاف من اخي خالد..
كنوز العمر يوم أني اشوفك وأسعـد عيونـي=أغني للغلا فرحه ويطرب حرفـك أسماعـي
يلو الموت ناويني الى شافـك وقـف دونـي=تحيـة ذوق وأجـلالٍ وفـا للـود بطباعـي
أنا من زود حبي لك وكثر الشوق وجنونـي=شريتك وأحسب العالم كذى تشرى وتنباعـي
حبيبي هاك هالكلمـه ببيّـح سـد مكنونـي=تشوووف الدنيا ذي كله.. بدونك مالها داعي !

[خالد الغاشم]

يارب انا سائلك في كل الأوقات = الخيرة العصما لشيٍ بذاتي
للصبح نشوة والأمل فيه نشوات = وللعين دمعه حايره من شتاتي
للجرح قسوه الشفا منه هيهات = وللرب رحمه أنتظرها بحياتي
الموت حق ولا لنا منه منجات = واللي كتبه الله لابُد ياتي
مير الرجا باللي سبك هالسماوات = بليا عمد مرفوعةٍ في ثباتِ
الخافظ الرّافع جزيل العطيّات = الباسط الرّازق كريم الصفاتِ
الأول الآخر ولا له شبيهات = الظاهر الباطن به العز ياتي
يختم لنا بالمسك عند النهايات = ويغفر كثير ذنوبنا الماضياتِ

[وفاء الفواز]

ياخوي ياخالد بها القلب غصات =ودي أبينهّا وأفجر ... سكاتي
وأضج خافي خافقي بالكتابات = وأبعثر اللي مابقى من شتاتي




؟؟؟

[وفاء الفواز]

وحرف الياء ...يشد قلبـي منظـر البحـر والشمـس=وشوف البشر والناس واجموع الاطفال

[وفاء الفواز]

وحرف الام ...


( ( لطيب باب ٍ ياصلونـه أذيابـه=ويكن عنه شبه بعض الرجاجيل ) )

[خالد الغاشم]

وش فيك عجله يا وفــاء
المفروض إنك شماليه والشمالي وسيع بطان :)



يمطر حنين الصمت عزف الكنايات= من مرزماتٍ بالحنايا مواتي
يا البارزه هدّي سبوق العبارات = اخوك انا وانتِ بحسبة خواتي



للوقت في عُرف المعاني صلابه = ياكوكب الزهره فلا تجرح سهيل

[وفاء الفواز]

وش فيك عجله يا وفــاء
المفروض إنك شماليه والشمالي وسيع بطان :)



يمطر حنين الصمت عزف الكنايات= من مرزماتٍ بالحنايا مواتي
يا البارزه هدّي سبوق العبارات = اخوك انا وانتِ بحسبة خواتي



للوقت في عُرف المعاني صلابه = ياكوكب الزهره فلا تجرح سهيل

لالالالاهنت يارائع بس طولت علي وانا شماليه بكل شي الا بنزف القصايد

[وفاء الفواز]

لاحت بروق الحرف عز ومهابه = ولك مالت الحان القصايد مع الليل
الشعر به معنى العجب والغرابه = يايختفي والا... يجينا كما السيل
وانا البطا عندي يسبب كآبه = وأنت العجل عندك يبي ألف تعليل
أما تجيب الشعر مثل السحابه = والا تراني ماأبي منك تعطيل



: )

[وجهة نظر]

http://www.shathaaya.com/vb/images/smilies/002.gif http://www.shathaaya.com/vb/images/smilies/002.gif http://www.shathaaya.com/vb/images/smilies/002.gif
صباحكم ورد
مساجلات رائعه سجلوني هنا اتابع نزفكم الجميل

[تركي الوايلي]

للبوح عند أهل القوافي رتابه = وطعم ٍ يشابه طعمه البّن والهيل
وانا أشيل سلوم جدي ذرابه = في موقع ٍ ضم النشاما الرجاجيل
وأخت ٍ برق لي عبر لاشعار نابه = "بنت الطنايا " مرقلين الفناجيل

[وفاء الفواز]

حرف الام

للقوافي شعور وللمواقف رجـال=وللمعاني كلام (ن) ماحملته قليل

[خالد الغاشم]

لشّعر نشوه والمعاني رحابه = وللحرف سطوه للمساري تعاليل
وللحرّ وكرٍ فوق هام السّحابه = يسقي مزون الغيث وبله هماليل
عدّه قراح ماغشته الجنابه = ما تشبهه دجله ولا وادي النيل
لومي على وقتٍ تعرّى جنابه= ماينبغى حتى بلعب المصاقيل
بالعون يا العزوة قرابه ولابه = مافاز بالميزان من طفف الكيل
يرسى عليه الوقت ميسم عذابه = تزّفر عليه جيوش همّه جحافيل
عند السؤال تضيع منه الإجابه = عند النشور يكون كشف التفاصيل
بين الرجا والياس يفقد صوابه = إن ما رحمه الله ياويله الويل

[وفاء الفواز]

وحرف الام ...من أرشيف الأرشيف
لي بالشعر قافٍ لزى بانظباطـي=ولي فلسفه ماقالها ( فم ) سقـراط
فالعود لامنه على الجمر شاطـي=أنفاس عطره تبعث الشمس لشباط
والجرح لامن زار تلك الشواطي=يهيض قافٍ يشبه العـود لاشـاط

[خالد الغاشم]

.

.

.

طاح الحطب ماعاد باقي مشاريه = فلّ الحجاج بمترفات القوافي

[الناقد]

نقله نوعيه في مستوى المساجلات
( تركي - خالد - وفاء - .. متابع وأصفق بحرارة )

[وفاء الفواز]

مداخله على قاف أخوي / خالد

ياحي بيت الشعر واللي لفى فيه = أخ ٍ وله ودن بالاضلاع / صافي
سلام مثل الورد بيدين مغليه = كل ماعطش للحرف يرويه قافي

[وفاء الفواز]

وحرف الياء مره أخرى..


ياقلبٍ قـد شكـى مليـون غيـا=علام أجروح وجـدك عذبتنـي
عطيت الناس من ضلـي وفيّـا=وعطوني من لضا نار أحرقتني
ومديـت العطـايـا والحمـيّـا=ومدو ( لي ) جروح ٍ ...غربلتني
وقلت أرجع على وقت ٍ مضيّـا=على ناس ٍعنت لـي ناصيتنـي
لفيت وجيت يا (وقت ٍ) عصيّـا=لقيت النـاس باسبابـك نستنـي

[وجهة نظر]

سجلو معرفي متااااابع

[خالد الغاشم]

ومع الياء يحلو الغناء ...

يزول الباس يا نجم الثريّا = حروفك هيّضتني واطربتني
أنا والليل من هيّا لهيّا = وكم وكم همّي كلّ متني
مابين النّاس واجحاف الحكيّا = طوتني سنين عمري واجهدتني
ولولا منّة المولى عليّا = شروق الشمس للظلما حدتني

[وفاء الفواز]

ماشاء الله عليك أخوي خالد : ) طيب أنا بغير الحرف

ياونـس هالليلـه معـ=اشعر بها جـد تختلـف
فيها يغنـي الأصمعـي=ويقول لي يـا محتـرف
أحـس فيهـا براحتـي=حتى الحزن فيها انصرف
ماعاد فـي قلبـي احـد=خالي من الحب القـرف؟

[خالد الغاشم]

وحرف جديد

في سوق بنده على النيّه=مرّيت ولاكانـت العـاده
صادفت لي خشف ريميّه=منتوقـة العنـق نقّـاده
العين شيهـان بحريـه=ومزيّن العانـق قـلاده
الخـد ياخـد حـوريّـه=أوي من حطـه وسـاده
وإلا الشفايـا حريريـه=فيها الحلا سكّر زيـاده
هنوف شقحـا هواويـه=يحلابها المـرّ والسّـاده
من حرّ مابـي ومافيّـه=ولوعة خفوقي ورعّـاده
قلت ارحمي قالت شويّه=توّك على الزين وجهاده
ياشين وش جابك هنيّـه=في سوق بنده وترتـاده
قلت اسمعي يا الخياليّه=مالك علي امر وقيـاده
من يوم يومي وانا العيّه=احلل الرمـز واكـواده
قالت وانا نارك الحيّـه=ضيّعـت آدم واحفـاده
قلت اشهد انك شقاويـه=لشهادت الحـق عـدّاده
بالقلب لك صار ماريّـه=منها المعاليـق وقّـاده
ما فيك رحمه وماويـه=والضيف ماتكرم وفـاده
يـا حيّهـا حيـةٍ حيّـه=على الحيايا لها ريـاده

[وجهة نظر]

صحت قلوبكم لكن ملاحظه / أتمنى الا ... تتعدى المساجله خمس أبيات
كي لاتفقد المسابقه رونقها وتسبب ملل للقارئ ... هذه مساحه للأشعار الخفيفه والمساجلات الطريفه ربما تظهر لنا أبدع الشاعر او الشاعره
وقوة تمكنه فالافصاح عما في داخله بمختصر الشعر
خالد وفاء أبدعتم
وجهة نظر

[خالد الغاشم]

.
.
.

الرّادار/ وجهة نظر

كلامك في محلّه لكن احياناً نضطر للجوء للإرشيف فلايُمكن نسخ جزء من قصيده
خاصةً كالّتي أعلاه

الف شكر لكِ

[وفاء الفواز]

وحرف الهاء ...

هنا لعبنا .. يـاااااه يامـا لعبنـا=وهنا تمرجحنا / بزمان الصفاوه
وهنـا نشبنـا بالمحبـه وذبنـا=وهنا عرفنا كيف معنى غـلاوه

[وجهة نظر]

ههههه سعدت بهذا المسمى / بس على فكره انا ماقول اني معصومة عن الخطا بس أعتبرأرائي أغلب الأحيان صائبه واذا عندك اعتراض هاته على الرحب والسعه
نتناقش ليش لا ...http://saudir2.com/vb/images/icons/icon10.gif

[وجهة نظر]

بعدين ابيات الاخت وفاء هذه مقتصه / وطالعه بشكل حلو ايش معنى أنت تشك قصت حياتك كلها : )
المسأله لاتتعدى المزح ياالشمالي ... لكنها لاتخلو من وجهة النظر السليمه

[خالد الغاشم]

.

.

.

هذا وانا ناسيك لا زلت ترجين=عادي ترى يا ما بكيت ورجيتك
ياما سهرتك ليل وشهور وسنين=وياما على سود الليالي شكيتـك
مرّ الصبر لجلك شربته وتعطين=كاس الجفا واحلا حياتي عطيتك

[خالد الغاشم]

كلّنا يا الرّدار ما فينا معصوم
والمسمى والله لايق عليك على الأقل وجهٍ صبوح مهوب مثل العميمي:d

[وفاء الفواز]

وحرف الكاف أخوي / خالد


كف الزمان الخير ماكـف شـره=كفت عيوني ونطفا عنها الضـي ؟
أنـا رحلـت ولاتوقعـت مــره !=أن الرحيل أبيوووم يلفي على الخي ؟

[وفاء الفواز]

أهلا بكم ... أجمل مافي هذه المساجله وهذا الموقع الراقي
تقبل الجميع لنقد بروح رياضيه ... دمتم بود
ورجعتك للياء اخي خالد

[خالد الغاشم]

يرحم الله من ثراها عطّره ريـح العبيـر=ياعسى روضة ثراها من جنان الخلد حصّه
بنت ابوها شيّعوها لدارها المثوى الأخير=في ثرى الغربه لحدها قصةٍ من فوق قصّه
يشهد الله ما اعرفها ولالها عندي نظيـر=من غلاها عند اخوها حلّت بقلبي منصّـه

[وفاء الفواز]

أهـداء للجميع وتراه ماهو مكتوب / ياوجهة نظر مسموع ولي عوده

مع حرف أخي ... خالد
http://www.hamed-aleed.com/wafa alshammere.mp3


.

.
( جرح خوه )

[علي الغبيشي]

هنا مر الخفوق الشوق وأعياني = وهنا دمعة ندم طاحت وخانتني
هنا ذكرى .. هنا وعده ولاجاني = وهنا صفحة طواها القلب عزتني

[وفاء الفواز]

من ألأرشيف ...

http://www.q8zoom.com/4image/data/thumbnails/7/afcoo2.jpg

يسعد صباح اللي له الروضه مشت=وياعلها تكبـر / وتكبـر فرحتـه
مستانسه راحت على السوق وشرت=وأنا بعـد مستانسـه مـن ونستـه
حلوه ليامنه حكت / لا ... مابلشت=تـورد مياديـن الهيـام ببسمته
يسعد صباحه والغلا فيني ...خذت=واللي كتبت "خفاق" أبوها .. جنتـه

[احلام عبد الوهاب]

تحياتي : -

مسابقة شعرية رهيبة

******************
اتمنى لكم التألق دائما.;) :)

[وفاء الفواز]

اسمحولي بتغيير الحرف
http://www.mooga.com/GlobImg/news_img/0023357.bmp

ماحسبت القرايب يشهرون السـلاح=ماهقيت الأحبه للأسف ...يطعنـون
مانويت العطايا والوصايـل شحـاح=كنت اضن الحبايب (للوفاء) يكرمون
غيرهم كم طعني عمر مالعزم طاح=الاطعنتهم اللي ( غرغرت ) بالمتون
من دخل غصب عني خافقي باجتياح=ماهديته طعونٍ يوم يهـدي طعـون
رح فمان المفارق رح فمان السماح=راعي العقل يركد عند راعي الجنون

[خالد الغاشم]

.

.

.
السلام عليكم
مساء الخير
على راي اختي وفاء
من أرشيف الأرشيف ..

نادى المنادي واحسبي دالهٍ سالي=شوباش يا اللي على قلبي تجنيتـي
لبيه لبيه يا غالـي علـى غالـي=هيضتنـي بالولـه ثـمٍ تواريتـي
حالي مولع وسجع الورق لي شالي=مرسال شوقي مشاعر يوم ناديتـي
كلٍ بحاله سـرى والليـل موالـي=جنة جنون الهوى بالـراس دنيتـي
دنة كنيسٍ علـى صلبانـه إيلالـي=جاوبت انا الصوت يا حيي وياميتي

[وفاء الفواز]

يتصفح الموضوع حالياً : 3 (2 عضو و 1 ضيف)
‏وفاء الفواز, ‏أغراب
أهلاً وسهلا بأختي الغاليه أغراب.. وحرف الياء

يسعد مسى اللي لاتذكرته ارتاح=واشتاق لامن عطر الليل طاريه

[خالد الغاشم]

هذي اشجان اتغلّى يا وفا كنّه علينا = دوم تدخل دوم تطلع حتى ما ترد السلام

[غازي العصيمي]

من شجون المشاعر جيت شايل خفوقي
.................................................. ........ جيت اسلم عليكم والمعاني غريقه
كيف يا صاحبي وانت الحليم الشفوقي
.................................................. ...... الحقيقه تموت وتنتهي باسهل طريقه
يا غروب القصايد في ثنايا البروقي
.................................................. ...... اشرقي بالحنايا واوقدي لي حريقه
ويا مغني على الموال هذي طروقي
.................................................. ....... بعد ما لعبت الأقدار صارت رقيقه

[خالد الغاشم]

هزّي قوامك وارقصي ذبّي عن الشعرالحجاب=شيلي الصوت الندي بحلو المعاني زغردي
لا يهمك نعش خالد دام خالد للتراب=يكفي إن خالد توارى رافع الراس اجودي
الحزن لحظه ويسري ما الحزن إلا سراب=وإن غفى سهيل وتوارى إلعبي بنور الجدي
ليت قلبي من حديد وليتني للداب ناب=لفرز بشريان دمّي سُم لحظة مولدي

[وفاء الفواز]

يومه أقرب قلب مني راح وإحساسه تبلد
..... وبـ مكان أهل الاذيه شفت وقفاتك تلوح
يوم صار الخير نادر والغدر بأمة محمد
.....يوم صار الوقت سيئ والزمن فرحه شحوح
أيه جيت وأيه جيت وشفتك السيف المغمد
.....مشهر اللمعه لجرحن صابني عقب الجموح

[وفاء الفواز]

حسبي الله فيه ظيّق هالسعـه=واكتمت دنياي صارت مظلمه
ياحبيب ٍ جعـل ربـي يقلعـه=كلمة ٍ بقولهـا لـك وأفهمـه
روح قسّم هالغرام ووزعـه=ومن غلانا كل كذاب أسهمه
والعيون إن زاد لحظه مدمعه=أعتبرها دموع بنتن مسلمـه
هزها جرح الحبيب الأمعـه=ونزلت من غير عقل ٍ يلجمه

[وفاء الفواز]

على لحن الذيب يايمه عوى
(2)هامت ظنوني والوله / والضما شيني=أقرب وتبعد خطوتي / عنـه الكنـه
الحب ظالم والبشر / بـه مساكينـي=والبعد يلعب لعبته / والهـوى فنـه
والشوق حن بداخلي / و أحترق فيني=حتى تهيض ماردن / زارنـي جنـه

(1)

حنيت يوم أنه طرى / ماهـو بيدينـي=وشكيت ( للضلع ) الغدر والجفـا منـه
غصب على القلب يعوي / لدمعت عيني=ماهو بكيفي والحمل / زاد بـي طنـه
يابنت قلبي به ضوى / وأنتي تدرينـي=ردى نحيبي يالغلا ...... جعلك الجنـه

[أشجان العبدالله]

اعذروني ع القصور !!


هذاك اللي إلى منه عطا يعطي العطا كلـّه !=والى منه أخذ ياخذ هموم الناس بلحاله !





مين للــ هاء !!:)



.

[جوهرة الشايع]

أغراب ما منك قصور والله شوفتك غير
ولا يهون الباقين

وأنا بانتظر الهاء أهني كل من ينتمي لهذه المساجلة الرائعة .

[وجهة نظر]

عدم توجدكم با المساجله هو من جمدها
يامعشر مشرفين الشعر النبطي .. اشعلو ساحات الهمس
فلا شيئ أجمل من النجاح.

[وفاء الفواز]

وآخر حرف كان الهاء

هلا هـلا بحروفـك اللـي تسلـم=في قافك اللي شال خافي حشاااااهـا
كل طقتـن بالراس قالـو تعلـم=وانا عجزت القى الشعور ودوااااهـا
أحيان في بعـض المواقـف نبلـم=واحيان نعرف هالعرب وش ورااااها
واحيـان ماتسـوى ترانا نتـألـم=وعيوننا تسكب للنذال مااااهـا
لاعاش راسٍ بيـن الاكتـاف سلـم=لانسان مايسوى الترااااب وثرااااهـا

[وفاء الفواز]

وحرف الألف
انا لفيت اللي مثـل طلـة البـرج=أشكي عنا راس (ن) من الهم شيب
يالذيب انا والسود وايامـي العـرج=نمشي على هقوات حظـن يخيـب
"ومن مانفع بالضيق والموقف الحرج=وقت الرخا كـلٍ شجـاعٍ وطيـب ؟ "

[وفاء الفواز]

وحرف الباء

http://www.jeddahboys.com/hosam/bw19.JPG

[وفاء الفواز]

بين تسعه وقبل إيصير وقـت العشـر=مر بي أم مدري ويـش أسّـم لغّطهـا
لعن أبو جد جده اطلـق مـن الهمـر=لونها اسود خطا في الأرض ذي مشّطها
مرني به جمـالٍ غيـر شكـل البشـر=كنه الليل وهو مثـل القمـر وسّطهـا
الله أكبر على اللي من الصغير انحشر=وماحلا (البوسه) اللي في عجل قطّهـا
http://www.hailvb.com/vb/images/smilies/10-1%20(128).gif

[خالد الغاشم]

أهيم بنظرة عيونك واتيـه بحمـرة الخديـن=والي منّي ظميت اشرب شهد عنّابك الرّابـي
وشلّلالٍ بلون الليل الي سيّل علـى الردفيـن=تماوج مع ذعاذيع الهـوى غنّيـت ترحابـي
أشيل الصوت بطروقٍ جديده مثل عام الفيـن=اصيغ القاف من شوقٍ تورى بقلب عرّابـي
اجي من حوله أداري عليه من الحسد والعين=اخيّم في مرابيعـه واشـد بروضه أطنابـي
اشب من الحنايا نار واخط من الوله حرفين=حرام الجور يا عذّب الثنايـا شابـت أهدابـي

[خالد الغاشم]

يا بحر قلّي بربك وش كثر فيك الهمـوم=خوفي ارمي فيك همّي يا بحر تطغى عَلَي
الهموم اللي حدتني فوق شطّك مـا أنـوم=كل ما هانت تِقَلّب مثل موجٍ لـك عَلِـي
من صداي أسمع لصوتك شِبه بركانٍ يزوم=صرصره والريح عاتي يا رياحه علّلـي
إزفرة موجة كيانه زفرة القـرم الغشـوم=شفت انا بلسان حالـه زلزليهـم زلزلـي
قلت بامر الله روقِي روِّقي مامـن لـزوم=هاتي من حملِك تعالي فوق حملي كمّلـي
الله أكبر يا بحر بك من صفات الحُـر دوم=ما يبور بصاحبٍ له وموقفه موقف جَلِـي

[أشجان العبدالله]

.



يا يمه / شابت / اهداب القصيد / و غابت القمرا=وانا / واللي خلقني / ما لقيت / انسان / يستاهل !!




" اللام " ؟؟؟




.

[سليمان الخليفة]

لاتبتعد عني وتقدم الاعذار=ما بي اجرحك يا اعز الاحباب
حبي لكم ما يبي توكيد=يعلم الله ما نيب لعاب
انا اللي صابر عدة سنين= على الجفا والصد وكثر الغياب
اهوجس وافكر بحالتي وياك=وكاتم بقلبي مر العذاب
بدون حلفان صدقنى حبيبي=مشاعري صادقه ما نيب كذاب
تبي تسمع كلام الناس عني=مع السلامه بدون لوم وعتاب
شويعر

[وفاء الفواز]

http://shtaat.jeeran.com/photos/1093843_l.jpg

بين قلبي والأمـل " فيــك " أشعــره
وبين وصلك والعنا "ضغطة" مقص

أما... هي راحــت بفعلـك مدبـــره
والا...هي جتني وحظي له رقـص

وإن بغيت الحـق مافيهـا أثــمـره
الحياة اللـي لهــــا خلـك ...يقـص

راحــــة الإنسـان نــوب المقبـره !
ورحمة المحكوم تنفيذ القصـص ؟

[خالد الغاشم]

صبرت ولا صبر صبري على مر الدهـر نـازوف=تعب مني التعب وامسى التعب يبكـي ويشكينـي
جمعت الورد وغصونه عشقت من الزهور اُلـوف=جفيـت الكـل لعيونـه بعـد حيـي وميتيـنـي
بدت شمسي توادعنـي وحظـي مايـلٍ لعـزوف=بدا ليـل السّهـاد يهـز بـدت تزفـر براكينـي
دفنت القلب جوف القلب وصندوق الحنايا صفـوف=عزلت الكـل دون الكـل حكمـت القفـل بيدينـي

[خالد الغاشم]

ياظالمه لنفسِك بزود الميانه = عندي ترى والله لا ماتمونين
بين الكرم شعره وبين الإهانه = وبين الرجا والياس كلمه وحرفين
إن ما مشيتي درب واضح بيانه = ما امشي على دربك ولو لي تعبدين

[خالد الغاشم]

نفّس عن الخافي بهمسـة تعاليـل=وانثر على رمل الفيافي خضـارا
لولا التسلّـي بالقوافـي جحافيـل=همّي على نفسي تثيـر انفجـارا
قلبي مثل بركان خامد على نيـل=حوله تحـوم السايمـه والحبـارا
فيه الخضار بظاهـره والمقاييـل=والنار بأركانـه تـزف العبـارا

[وجهة نظر]

نفّس عن الخافي بهمسـة تعاليـل=وانثر على رمل الفيافي خضـارا
لولا التسلّـي بالقوافـي جحافيـل=همّي على نفسي تثيـر انفجـارا
قلبي مثل بركان خامد على نيـل=حوله تحـوم السايمـه والحبـارا
فيه الخضار بظاهـره والمقاييـل=والنار بأركانـه تـزف العبـارا

اصبحت انا والصبح اشوفه كما الليل = من ناس اشوفه في عيوني توارى
قلبي جرع مر الحناضل على النيل = وأوقد حشاه مولعين الزقارا
للحب والقنصات والصيد والخيل = مجمعين أسلوم بدوو وحضارا
لا.. أنصفوني بالميزاين والكيل = ولاعلموني كيف قتل السمارا

[خالد الغاشم]

الليل يا ساهر سهرنـا ولا زِيـل=باقي أثر لسهوم سيد العذارا
بين الفرح والحزن والياس تشكيل=فيه الأمل شاره على راس قـارا
يطري علي بتالي الليـل تخييـل=في راس ضلعٍ والأفاعي تجـارا
تجرس وترسل ذبذبات التفاصيـل=تاطى القدم روس الأفاع احتقـارا
لاهب نسناس الهـوى بالمراسيـل=ساعي بريدي من جوابـي يغـارا
لا عنّ بالخاطر كريم التعازيـل=عزّيتنـي فينـي ألا واخـسـارا
اصخيت من حلو المعاني هماليل=واجزلت قافيله طرب وعتبـارا
جرّعت روحي كاس مرّ العواذيل=مرّ الفراق ومـرّ شيـب الوقـارا
أسري على طرق الهوى بالتساهيل=وامسي على جراحٍ ألمهـا تمـارا
ابدي على نار الحشا ضحكة سهيل=واخفي طعونٍ نزفها مـا يجـارا

[خالد الغاشم]

ألوله بستـان والشـوق الثّمـر=والوصل فستـان ليتِك تلبسيـه
الفراق المـر والمر الصبر=كاس منّـي ياغناتـي إشربيـه
لون جمر البُعـد يشبـه للتمـر=والطعم فيه اختـلاف وجرّبيـه
هو صحيح انّي بغيابِك في خطر=وهو صحيح انّي لوصالك اشتهيه
بس آسف يا مشاوير العُمُر = موت قلبِ ولا غرورك ارتضيه

[وفاء الفواز]

السلام عليكم .. بعد غياب اسمحو لي

بتغيير الحرف

انا ماذكر عليك أخطيت .. علامك تخطي بحقي ! = وليه الجرح من شخصك يجيني .. واجهل اسبابه؟

[وفاء الفواز]

http://tbn0.google.com/images?q=tbn:UZTv8w5K-WxIQM:http://bp3.blogger.com/_St27dNqaOYc/RssdntvUkNI/AAAAAAAAABs/hB3nHQ3NRIg/s400/%D8%A7%D8%AD%D8%AA%D8%B1%D8%A7%D9%82%2B%D9%82%D9%8 4%D8%A8.JPG

يكفيني أني أحسه بالهوى عظـدي=ماياخذ العلم منه ../ مدوره فيني!
يكفيني قلبه .. وحلمي "عالمه " وحدي=العالم اللـي مجننـي ومغرينـي؟


شعر .. وفاء

[خالد الغاشم]

ياعين لاتبكين موت الحبيبه=عيشي حياتك في نعيم وعجايب
غسّل جبين الليل صافي سريبه= دمعٍ توارى بين عوج الترايب
(كتيبةٍ تمشـي وراهـا كتيبـة)=جيّشت حسّي له ولا نيب تايب

[خالد الغاشم]

بين بعدك وقربك بين وصل وجفاك=بين هزلك وجدك تختلجني ظنون
ياحياتي حياتي رهن همسة شفاك =كلها لك حياتي لجل عينك تهون
اشتهي فيك موتي واستعد إلّلقـاك=الكفن رمش عينك واللحد بالجفون

[خالد الغاشم]

نعناعة الساقي لها ريح حبشوش= وإلا حنوطٍ فاضح الريح منحاش
فش فاش مثل العهـن لاصـار منفـوش=يطيـر بالعجـه وياقـع علـى مــاش
حاضرك يشبه مامضـى نقـش منقـوش=توفـي وَهَـم تستافـي الوهم بالكـاش
طرقي نقا وانت على طـرق مغشـوش=ما للغشش فـي عالمـي روح ومعـاش
النفـس طابـت يشـهـد الله من الـغـوش=ماعاد لك معنى علـى مسـرح الجـاش
استوك ؟ لا / مُهمل على الدرب مطشوش=لا نقـد لاتقسيـط انـا ابـيـّع بـبـلاش

[خالد الغاشم]

.

.

.


شيّن طرالي وله خنّه= مايطري لجن عرّافي
الفرض موقوف والسنّـه=في وقتها تجبـر الهافـي
توفِّـي الكيـل وتعـنّـه=حبل الرّصن بيدها ضافي
وقت الحظر مالها منّـه=وانا لهـا زايـد عيافـي
يهيج موج البحـر لانّـه=لسـو المخاليـق عيّافـي
مايقبل الضيـم مـن فنّـه=يضرب لنا امثال واعرافي
يالـبَّ قلبـه الـي منّـه=شاش وتعزوى بمجدافـي
أجيـه بالوسـم والكنّـه=غدّار معكم ومعي وافـي
مزاجي اليوم فيه إنَّ = لاهو مكدَّر ولاصافي
لا النار فيها ولا الجنّه = من اصحاب الاعراف ياكافي


:confused:

[رنا الحربي]

صباح الخير إلى المراقب العزيز غازي العصيمي

اسمحلي أمرر قلمي باقتراحك

الرائع.............



تسلم يمين اللي على الطيب رباك= وعلى فعل الخيروالمعروف وصاك