سطام الشمري
06-03-2007, 01:11 PM
بِسم الله الرحمن الرحيم ..
السلام عليكُم ورحمة الله وبركاته ..
:: ::
أول طرحي متواضعة قلم ..
علَها تنال على رِضاكُم ..
وترتقي لِذائفتكُم المُترفــه ..
::
:: ::
مشاعري في طريق الشعر تدفعني = أسوقها عقد للغالين وأهديها
للي زعل , والزعل منه يروعني =عهدٍ علي أزعل العالم وأراضيها
لو تزعل الناس , كل الناس وش يعني = بس أنت تزعل محال إنـي أمشيها
لك صورةٍ وين ماوجهت تتبعني =دايم بعيني وأنا بالقلب أخبيها
أضمها في ضلوعي وأنت تردعني =عن ضمها ليه دام إني أداريها
ماحب غيرك وحبك وحدك أقنعني = جدد حياتي بحاضرها وماضيها
قلبي على بعدكم عيا يطاوعني = وعيني على غفلتي لازم تراعيها
إن جيت أوصفك وصفك حيـل ضيعني =شمس الشموس أنظره , والا أحترق فيها
جمالك إللي يبعثرني ويجمعني = يبيع بالروح يالغالي ويشريها
ياصاحبي ليه عن وصلك ترجعني =ونفسي علامك بقل الوصل تشقيها
من شوفتك ليه تقطعني وتمنعني =وأنا أرتجي شوفتك والنفس أمنيها
إن كنت من فوق يالغالي تطالعني = أنا ولد ناس ماتجهل بأساميها
نفسي عزيزه وصعب النفس تخدعني = أقنٌع النفس وأجرحها وأداويها
وأنت وضميرك ولا ودي تقاطعني = أحكم وربي على الخيره يمشيها
كتبت ياغلا البشر إن كان تسمعني = أبيات شعرٍ تنقٌينا معانيها
:: ::
::
وسـلامتكم ,,
أخُوكم / سطآم الشمري ..
السلام عليكُم ورحمة الله وبركاته ..
:: ::
أول طرحي متواضعة قلم ..
علَها تنال على رِضاكُم ..
وترتقي لِذائفتكُم المُترفــه ..
::
:: ::
مشاعري في طريق الشعر تدفعني = أسوقها عقد للغالين وأهديها
للي زعل , والزعل منه يروعني =عهدٍ علي أزعل العالم وأراضيها
لو تزعل الناس , كل الناس وش يعني = بس أنت تزعل محال إنـي أمشيها
لك صورةٍ وين ماوجهت تتبعني =دايم بعيني وأنا بالقلب أخبيها
أضمها في ضلوعي وأنت تردعني =عن ضمها ليه دام إني أداريها
ماحب غيرك وحبك وحدك أقنعني = جدد حياتي بحاضرها وماضيها
قلبي على بعدكم عيا يطاوعني = وعيني على غفلتي لازم تراعيها
إن جيت أوصفك وصفك حيـل ضيعني =شمس الشموس أنظره , والا أحترق فيها
جمالك إللي يبعثرني ويجمعني = يبيع بالروح يالغالي ويشريها
ياصاحبي ليه عن وصلك ترجعني =ونفسي علامك بقل الوصل تشقيها
من شوفتك ليه تقطعني وتمنعني =وأنا أرتجي شوفتك والنفس أمنيها
إن كنت من فوق يالغالي تطالعني = أنا ولد ناس ماتجهل بأساميها
نفسي عزيزه وصعب النفس تخدعني = أقنٌع النفس وأجرحها وأداويها
وأنت وضميرك ولا ودي تقاطعني = أحكم وربي على الخيره يمشيها
كتبت ياغلا البشر إن كان تسمعني = أبيات شعرٍ تنقٌينا معانيها
:: ::
::
وسـلامتكم ,,
أخُوكم / سطآم الشمري ..